PLERED – Grup Warta Sunda,-
KORMI Kecamatan Plered poé Juma’ah ping 27 Januari 2023 magelarkeun Gebyar Senam Ibu-ibu Désa Pamoyanan, Kecamatan Plered Purwakarta tempatna di buruan Kantor Kecamatan Plered.
Dina hal ieu, Ketua Kormi Kecamatan Plered, Pepen Kusnadi, inyana miharep ka ibu-ibu Désa Pamoyanan salaku wawakil nu ngiring aub kana Sosialisasi Senam Jumsih ieu. Ngarasa reueus tur ngahaturkeun rewu-rewu nuhun. Mugia kapayunna, senam ieu diagendakeun di Litbang Keramik Plered.
Ku kituna hayu urang sukseskeun kagiatan nu saperti kitu téh. Lian ti éta, saur Kang Pepen, ieu téh sakantenan ngawanohkeun rengrengan pangurus Kormi Kecamatan Plered ogé ngawanohkeun Senam Jumsih di Lapangan Kantor Kecamatan Plered.
Hadir dina acara éta téh, Kordinator Kecamatan Irmansyah Budi Satyawan, Camat Kecamatan Plered Asep Senjaya, S.Ip, rengrengan pangurus Kormi Kecamatan Plered sarta ibu-ibu Désa Pamoyanan.***
