Bungursarang Jadi Puseur Dayeuh Kagiatan Turnamen Volley Ball Bursa Cup 1

.dina raraga mapag tutup taun 2022 jeung mapag taun anyar 2023. ngagedurkeun deui olahraga voly nu hampir pareum alatan 3 taun katukang si Covid-19 ngalanglang buana di wilayah Indonésia, nepika mawa pangaruh kagiatan para nonoman nu resep kana olahraga voly, pakeum.

TEGALWARU – www.wartasunda.com

Read More

Panungtungan taun di wewengkon Kp. Bungursarang RT.07/RW.04 Désa Cisarua, Kecamatan Tegalwaru, Purwakarta. Poé Saptu, ping 31 Desember 2022, jam 09.00 WIB, pihak Karang Taruna Bungursarang Désa Cisarua ngayakeun turnamen Volly Ball Bursa Cup 1.

Kagiatan ieu téh, dina raraga mapag tutup taun 2022 jeung mapag taun anyar 2023. ngagedurkeun deui olahraga voly nu hampir pareum alatan 3 taun katukang si Covid-19 ngalanglang buana di wilayah Indonésia, nepika mawa pangaruh kagiatan para nonoman nu resep kana olahraga voly, pakeum.

Dina hal ieu mah, Ketua Panitia : Tedi Laksana Putra, ka grup Warta Sunda ngabenerkeun ungkara diluhur éta. Malah mandar pihakna gawé bareng antara Karang Taruna Bungursarang Cisarua tokoh pemuda katut Dadan Sumardhana perwakilan tokoh akademisi nu ngalola Sekolah Tinggi Agama Islam (Sabili) sarta donatur tur sponsor nu lainna.

Ieu kagiatan, lian ti ngahibur warga Bungursarang ogé ajang tali silaturahmi 4 kecamatan saperti ti Kecamatan Tegalwaru, Plered, Sukatani, jeung Maniis.

Para patandang Turnamen Volley Ball Bursa Cup 1 para pamilonna téh aya kana 20 Tim Voly ngawengku diantarana Tim Vitas, Cilanggohar, Makbet, Trisula, SP, Barteg A, Barteg B, Putra SK, IPH, Angker A, Angker B, Pupuhu, Bursa A, Bursa B, Gapel Muda, Gapel Sanggar, Gapel Kolot, Irelly, SHP sarta HPG.

Kagiatan lumangsung ti ping 30 Desember 2022 s/d 1 Januari 2023.

“Pihakna ngawanikeun ngayakeun kagiatan even Bursa Cup ke-1, dina panungtungan taun di lembur handapeun Gunung Bongkok,” pokna.

Lain halna ceuk Pengarah : Dadan Sumardana, SE, S.Pd, M.Pd, ka Warta Sunda, yén kagiatan ieu téh minangka anu munggaran alias ka-1, Insya Alloh rék diagendakeun unggal taun. Malahan lain saukur 4 kecamatan wungkul, tapi nambah ti kecamatan sejen.

Nu jadi juara meunang uang pembinaan Juara 1, 2 & 3, serifikat sarta piala.

Panatacalagara nu milu aub di Lapang IVO Bursa, Kp. Bungursarang RT.07/RW.04 Désa Cisarua, Kecamatan Tegalwaru, Purwakarta.
kana kagiatan téh diantana : Reporter Turnamen Volley (Aray), Pengarah : Dadan Sumardana, SE, S.Pd, M.Pd, Ketua Karang Taruna Désa Cisarua : Kamaludin, S.T., Ketua Panitia : Tedi Laksana Putra, Ka Pemuda : Cepi Muldiana.***

Related posts

Leave a Reply

Your email address will not be published. Required fields are marked *